Dosti bhi kitni ajeeb hoti hai
Kabhi kabhi zyada kareeb le aati hai,
Woh ek kadam aur aage badhaaye humari ore
Aur hum aage badhne se kathraate rahe
Le aayi kismat humein us mod par
Chalna tha aage unka saath chod kar
Woh phir humari raah pe aaye machaaye hue shor
Mann na maana, bas unhe shant karte rahe
Duniya ghumti gayi, mausam badalte gaye,
Woh humse khafa the, hum bhi rooth gaye;
Lekar kisika payam woh phir dastak dene aaye
Khud pighalkar is baar, hum unhe manaate rahe
Waqt phir badla, taqdeerein bhi badal gayi,
Jo thi kahani unki, ab dastaan humari ban gayi;
Woh na samjhe ishaaron ko dil ka darwaza bandh rakhe hue
Hum bas nigaahon se haal-e-dil bayaan karte rahe
Zindagi bhi kitni ajeeb hoti hai
Humein wapas usi mod pe le aati hai,
Jo galti humne ki kisika dil todke
Ab hum toote, aur woh muskuraate rahe
Subscribe to:
Post Comments (Atom)
1 comment:
thoughtful, liked it , keept them coming :P
except this line which i found a bit weird and offtone :p
Woh phir humari raah pe aaye machaaye hue shor
Post a Comment